Azərbaycan mətbuatının ağsaqqalı, Bakı Dövlət Universitetinin müəllimi, professor Şirməmməd Hüseynovun ad günüdür.
Jurnalistin 92 yaşı tamam olur.
Şirməmməd Hüseynov saytımıza açıqlamasında bu günün onun üçün böyük bayram olduğunu deyib:
"Özümə söz vermişdim ki, ad günümə kimi "Azərbaycan Cümhuriyyət tarixi” adlı kitabımın 3-cü cildini başa çatdırım. İki gün öncə kitabda işlər tamamlandı. Hazırda cümhuriyyətin yüz illiyinə hazırlaşıram. Ən böyük arzum bu bayramı qeyd etməkdir.”
Şirməmməd Hüseynov səhhətinin qaydasında olduğunu qeyd edib: "Heç bir problemim yoxdur. İnanıram ki, o bayramda çıxışım da olacaq.”
Jurnalist doğum günü ilə əlaqədar onu təbrik edənlərə təşəkkürünü bildirib: "Sağ olsunlar, məni yada salan şəxslərin hamısına təşəkkür edirəm. Axşam bütün ailə-qızlarım, nəvə-nəticələrimlə birlikdə mənim doğum günümü qeyd edəcəyik. Şükür Allaha ki, nəticələrimlə birlikdəyəm.”/aznews.az/
MediaFax
