11:00
Qafqaz Universitetinin prorektoru vəzifəsindən azad olunub.
Universitetin tərbiyə işləri üzrə prorektoru və Rəyasət Heyətinin üzvü Şaiq Nəbiyev vəzifəsindən azad olunub və RH-nin üzvlüyündən çıxarılıb.
Məlumata görə Ş. Vəliyev universitetdə yüksək vəzifə tutan yeganə azərbaycanlı olub. O qatı Fətullahçı kimi tanınıb.
Universitetə müvəqqəti olaraq rəhbərlik edən Bakı Ali Neft Məktəbinin rektoru Elmar Qasımov xəbəri təsdiqləyib.
Qeyd edək ki, bir müddət əvvəl də Qafqaz Universitetinin rəhbərliyinə daxil olan 50-yə yaxın müəllim heyəti işdən azad olunmuşdu./qafqazinfo.az/
-----------
13:41
Qafqaz Universitetinin işdən çıxarılan prorektoru Şaiq Nəbiyevlə bağlı maraqlı məlumatlar üzə çıxıb.
Nəbiyev Azərbaycanda Fətullah Gülənin əsas təbliğatçılarından bir hesab olunur. O, təmsil etdiyi cərəyan üçün kifayət qədər böyük işlər görmüş adam kimi həmişə "gülənçilərin” diqqət mərkəzində olub. Araşdırma zamanı məlum olur ki, Nəbiyev nurçuluğun təbliği üçün bir məscid də tikdirib. Yardımlı rayonunun Ostayır kəndində anadan olan Şaiq Nəbiyev məscidi elə öz kəndində inşa etdirib. Məlumata görə, Nəbiyev 2000-ci illərdə kənddə köhnə şiə məscidin yerində ucaltdırdığı məscidin adını da "Nur” qoyub.
Əməkdaşımız məlumatı dəqiqləşdirmək üçün kənd sakinləri ilə əlaqə saxlayıb. Sakinlər xəbəri təsdiqləyiblər. Onların sözlərinə görə, sözügedən məscidə "Nur” adının qoyulması kənddə narazılıqla qarşılanıb. Əhalisi şiə olan kənd sakinlərinin uzun mübarizəsindən sonra, cəmi bir neçə il əvvəl həmin "NUR” sözü məscidin üstündən sökülüb. Yalnız bundan sonra camaat məsciddən istifadə etməyə başlayıblar.
Məlumat üçün bildirək ki, Yardımlı camaatı qatı şiədir, onlar nəinki hansısa cərəyana, hətta sünilərə qarşı radikal kəsim hesab olunur.
Xatırladaq ki, Qafqaz Universitetin tərbiyə işləri üzrə prorektoru və Rəyasət Heyətinin üzvü Şaiq Nəbiyev vəzifəsindən bu gün azad olunub və RH-nin üzvlüyündən çıxarılıb./aznews.az/
