Bakı Şahmat Olimpiadasında sensasiya baş verib.
Latviyanın qızlardan ibarət milli yığma komandasının üzvü, hazırda Latviya Respublikasının maliyyə naziri vəzifəsini tutan Dana Reyznietse-Ozola hazırkı dünya çempionu və dünya şahmat reytinqinin lideri Çin yığmasının üzvü Xou İfanı məğlub edib.
34 yaşlı şahmatçı və maliyyə naziri əvvəllər ölkəsinin iqtisadiyyat naziri olub. Latviya iqtisadiyyatına yüksək töhvələr verdiyinə görə, irəli çəkilərək maliyyə naziri təyin edilib.
Xanım şahmatçı qızlar arasında 4 dəfə öz ölkəsinin çempionu, iki dəfə Avropa çempionu zirvəsini qazanıb. Amma, Bakıdakı yarışda dünya çempionuna qalib gəlməsinə özü də təəccübünü gizlədə bilməyib./moderator.az/
MediaFax
