14:55
Malayziyada Şimali Koreyanın lideri Kim Çen Inın qardaşı Kim Çen Namı öldürməkdə şübhəli bilinən qadının saxlanıldığı haqda xəbər yayılıb.
Qadını Malayziyanın paytaxtı Kuala-Lumpurda hüquq-mühafizə orqanlarının əməkdaşları saxlayıblar.
Kim Çen Nama Kuala-Lumpur hava limanında sui-qəsd edilib.
Onun iynə vasitəsilə zəhərləndirildiyi əsas versiyalardan biri kimi səslənir.
Ağ Ev belə ehtimal irəli sürüb ki, Kim Çen Inın qardaşının öldürülməsini Şimali Koreyanın xüsusi xidməti təşkil edib./modern.az/
------------
18:48
Şimali Koreya lideri Kim Çen Inın qardaşı Kim Çen Namı Malayziyada öldürməkdə şübhəli bilinən qadının fotosu yayılıb.
"Haber7" xəbər verir ki, onun şəkli təhlükəsizlik kamerasına düşüb.
Xəbərdə bildirilib ki, foto gənc qadın qətli törətdikdən sonra hava limanında taksi gözləyərkən qeydə alınıb.
"Reuters”in məlumatına görə, qətli törətməkdə şübhəli bilinən Myanma vətəndaşı saxlanılıb. Qadının adı açıqlanmayıb./report.az/
