ABŞ- ın keçmiş dövlət katibi, Nobel mükafatı laureatı Henri Kissincer seçkilərdə tərəf kimi çıxış etmədiyini və nə demokratların namizədi Hillari Klintonu, nə də Donald Trampı müdafiə etdiyini bəyan edib.
Kissincer digər keçmiş dövlət katibi Corc Şultsun da onunla eyni mövqedə olduğunu bildirib. "Biz ikipartiyalı sistemin yaşaması və möhkəmləndirilməsini əsas götürürük” deyə o bildirib.
Məlumdur ki, H. Kissincer və Corc Şullts Respublikaçılar partiyasının nümayəndələri kimi tanınırlar və seçkilərə az qalmış Kissincerin bu bəyanatı Trampdan narazı olan respublikaçıların mövqeyinə dəstək kimi dəyərləndirilə bilər.
93 yaşlı H. Kissincerin adi bir diplomat olmadığ hər kəsə məlumdur. O daha çox partiyalarüstü dünya hökuməti adlandırılan, ABŞ, Avropa və Asiyanın maliyyə, siyasi və intellektual elitasını birləşdirən qapalı Heydelberq qrupunun nümayəndəsi kimi tanınır./musavat.com/
MediaFax
