Azərbaycan idmançısı Paralimpiya Oyunlarında gümüş medal qazanıb
Azərbaycan idmançısı Dmitri Saley Rio-de Janeyroda keçirilən XV Yay Paralimpiya Oyunlarında ikinci medalını qazanıb.
APA-nın xəbərinə görə, Saley 50 metr məsafəyə sərbəst üsulla üzmə yarışlarının həlledici mərhələsində Dmitri 24,29 saniyə nəticə göstərərək gümüş medala layiq görülüb.
Dmitri Saley bundan əvvəl 100 metr məsafəyə brass üsulu ilə üzmədə gümüş medal qazanmışdı.
Qeyd edək ki, Azərbaycanın Riodakı Paralimpiya Oyunlarında qazandığı medalların sayı 10-a çatıb.
X X X
Rioda keçirilən Paralimpiya oyunlarında İradə Əliyeva Azərbaycan yığmasına növbəti medal qazandırıb.
Nizə atma yarışlarının final mərhələsində İradə Əliyeva gümüş medala layiq görülüb.
Qeyd edək ki, bu Azərbaycan paralimpiya yığmasının sayca 11-ci medalıdır.
MediaFax
