Aşıq Samirə Əliyeva Xocalı soyqırımı ilə bağlı yeni layihəsini təqdim edib.
Tanınmış aşıq bildirib ki, sözləri Mehrab Türkanlıya, musiqisi Nailə Mirməmmədliyə məxsus "Xocalım vay" adlı yeni mahnı oxuyub:
"Bu mahnını təxminən 10 il öncə dəyərli bəstəkarımız Nailə Mirməmmədli mənim üçün yazmışdı. Amma elə oldu ki, diski itirdim. Bu yaxınlarda Nailə xanım həmin diski tapdı və beləcə bu layihəmiz həyata keçdi. Bu mahnı çox təsirlidi. İnşallah şəhidlərimizin qanı yerdə qalmaz. İlk dəfədir ki, mənim repertuarımda qəmli-kədərli mahnı yer alır. Hər bir azərbaycanlı kimi mənim də qəmim-kədərim Xocalı soyqırımıdır ".
A.Samirə bildirib ki, bu layihəyə klip çəkdirmək niyyətində deyil: "Belə bir qərara gəldik ki, bu əsərə ekran həyatı verməyək. Çünki mahnının sözləri elədir ki, Xocalı ilə bağlı hər şeyi xəyalən göstərir"./qafqazinfo.az/
MediaFax
