Ukrayna prezidenti Pyotr Poroşenko Rusiyanın dövlət başçısı Vladimir Putini Donbasda Ukrayna Hələbinin yaradılmasında ittiham edib.
O, bu haqda "Bild” qəzetinə müsahibəsində bildirib.
"Şərqi Ukraynanın bəzi hissələrində vəziyyət dramatikdir. Bizdə dəqiq sübutlar var ki, onun dinc sakinlərinə məqsədyönlü şəkildə hücüm edirlər. Putin orada Ukrayna Hələbi yaradır", — deyə P.Poroşenko vurğulayıb.
Onun sözlərinə görə, Ukrayna bir çox razılaşmaları sınayıb, amma Moskva onları yerinə yetirmir.
Poroşenko Vladimir Putini həmçinin, Minsk razılaşmasının pozulmasında ittiham edib: "Minsk sülh razılaşmasının işləməməsi səbəbinin bir adı var — Putin. Biz Ukraynada sülh üçün hər şeyi etdik, qanunları dəyişdirdik, razılaşmaya riayət etdik, amma Rusiya qətlləri davam etdirir. Rusiya hökumətinin verdiyi vədlər hər gün pozulur”, - deyə Ukrayna prezidenti əlavə edib./virtualaz.org/
MediaFax
