Pakistan Azərbaycanla neft və qaz idxalına dair yeni sazişlər imzalamağı planlaşdırır.
"Tribune" portalı xəbər verir ki, bunu Pakistanın Xarici İşlər Nazirliyindən bildiriblər.
XİN hesab edir ki, bu addım Pakistanın Yaxın Şərq ölkələrindən enerji asılılığını azaltmağa imkan verəcək.
Pakistanın Neft və Təbii Sərvətlər Nazirliyinin rəsmi nümayəndəsi deyib ki, Azərbaycan Pakistana xam neft, eləcə də neft-kimya məhsullarının və mayeləşdirilmiş təbii qazın ixracı üzrə layihə təklif edib.
Həmçinin Pakistanda terminal, eləcə də mayeləşdirilmiş təbii qaz anbarı inşa edilməsi üzrə birgə layihəyə maraq göstərir./report.az/
MediaFax
