Hollivudun tanınmış kino aktrisası Ja Ja Qabor 99 yaşında Kaliforniya ştatında dünyasını dəyişib.
"RİA Novosti"nin verdiyi xəbərə görə, macar əsilli aktrisanın ölümünə səbəb ürək tutması olub. Halı pisləşən Ja Ja Qabor xəstəxanaya çatdırılsa da, onun həyatını xilas etmək mümkün olmayıb.
2017-ci ilin fevralında Hollivud ulduzunun 100 yaşı tamam olacaqdı. 1936-cı ildə Ja Ja Qabor "Miss Macarıstan" müsabiqəsinin qalibi seçilib, 1958-ci ildə ABŞ kinematoqrafçılarının "Qızıl qlobus" mükafatına layiq görülüb.
Ja Ja Qabor "Mulen Ruj” və "Üç sevgi hekayəsi” kimi məşhur filmlərdə çəkilib.
MediaFax
