"Real"ın futbolçusu Kriştiano Ronaldo La Liqanın təxirə salınmış oyununda "Valensiya"ya məğlubiyyətdən sonra komanda yoldaşlarından biri ilə mübahisə edib.
"AS" qəzetinin yaydığı xəbərə görə, portuqaliyalı hücumçu matçdan sonra komanda yoldaşlarından birinə qışqırıb. Onun kimə hirslənməsi məlum olmasa da, nə dediyi açıq eşidilib: "Mən qol vurmuşam, bəs sən nə etmisən?"
Qeyd edək ki, hadisə telekanallardan birinin kamerasına düşüb.
Xatırladaq ki, "Real" "Valensiya"ya 1:2 hesabı ilə uduzub. Madrid klubunun yeganə qolunu 44-cü dəqiqədə Ronaldo vurub./qol.az/
MediaFax
