Bu kənddə hər hansı məmurun elektrik sayğacını oxumağı sadə bir proses deyil.
Bura sayğacı oxuyub bildiriş yazmağa gələnlər canlarından da ola bilərlər.
Söhbət Türkiyənin Ərzurum, Qars, Iğdır, Ardahan və Bayburt bölgələrindən gedir.
ARAS elektrik Paylama şirkətinin müdiri Fikrət Akbaş bu barədə mətbuata açıqlama vermək məcburiyyətində qaldıqlarını deyib.
Məmurları sayğaclara yaxın qoymayan isə itlərdir. Çünki kəndə gələn məmuru insanlar yox, itlər qarşılayır, hətta onlar elektrik sayğaclarının yanına bağlanıblar.
Sonuncu belə hadisə Iğdırda yaşanıb, sayğaca baxmaq üçün kəndə gedən məmur çoban itlərinin hücumuna məruz qalıb. Hətta itlər onun qolundan da dişləyiblər.
Həmin şəxs hadisəni videoya çəkib.
Bu vaxta qədər isə 4 məmuru it dişləyib. Kənd sakinlərinin bu hərəkətinin səbəbi isə qanunsuz elektrikdən istifadə etmələridir. Şirkət rəhbəri aidiyyatı qurumlardan və vətəndaşlardan bu məsələyə həssas yanaşmağı xahiş edib./qaynarinfo.az/
MediaFax
