Bu gecə Ay hər zamankından 10% daha böyük görünəcək.
Bu barədə saytımıza Nəsrəddin Tusi adına Şamaxı Astrofizika Rəsədxanasının aparıcı elmi işçisi, fizika üzrə fəlsəfə doktoru Ədalət Ətai məlumat verib.
Onun sözlərinə görə, cari il ərzində Ay üçüncü tam bədirlənmiş olacaq: "Bu gecə Ay mövcud ölçüsündən 10% daha böyük görünəcək. Parlaqlığı isə 30% artacaq. Ay Yerin ətrafında elips üzrə hərəkət edir. Bu zaman Yerə ən yaxın və ən uzaq məsafələrdə ola bilir. Bu dəfə Yerə yaxın məsafədə olacaq”.
Ə.Ətai onu da bildirib ki, bədrlənmiş Ayı adi gözlə görmək mümkün olacaq: "Nisbətən binaların az olduğu, boş sahələrdə tam bədrlənmiş Ayı görmək mümkündür. Bu gecə tam Ayı görmək üçün son gecədir. Gecə saat 01:00-a qədər vaxtınız var. Ayın Yerə yaxınlaşması okean sularında qabarma və çəkilmələrə səbəb olur. Həmçinin baş verə biləcək tektonik hadisələrdə rezonans yaradır. Hadisə baş verəcəksə, onu daha da tezləşdirir”.
Qeyd edək ki, bu gecə də tam Ay görünüb. Gecə saatlarında İsmayıllı rayonu ərazisində dalbadal iki zəlzələ baş verib. Zəlzələdə dağıntı və tələfat olmasa da sakinlər tərəfindən hiss olunub./publika.az/
MediaFax
