"Sözüm Azərbaycanın bəzi rejissorlarınadır. Ölkəmizdə heç də çox olmayan peşəkar aktyor və aktrsialarımız var. Amma and içirəm ki, elə aktyor və aktrisalarımız var ki, illərdir heç bir filmə, seriala dəvət etmirsiniz”.
Bu sözləri sosial şəbəkədə əməkdar artist Hüsniyyə Mürvətova yazıb.
Aktrisa bildirib ki, seriallarda bir obraz digərinə çox bənzəyir:
"Eyni simaları müxtəlif seriallara dəvət etmək nə deməkdir? Eyni səpkili rollar, mövzular... Deyirəm ki, susum, amma Vallah olmur. Ya da aktyora elə fərqli rol verin ki, həm daxildən, həm xaricdən özünü dəyişsin, bir obrazı o birinə bənzəməsin.
Təəssüf ki, bunu nə bəzi rejissorlarımız etmir, nə də aktyor öz üzərində işləmir. Heç bir dəyişiklik olmur. Bu birbaşa həmin aktyorun yaradıcılığına zərbədir”./qafqazinfo.az/
MediaFax
