"Torpaq qanunvericiliyinin pozulmasında müxtəlif məsələlər aşkar olunur.
Bir sıra özünü yerli idarəetmə orqanlarında kənd təsərrüfatı təyinatlı torpaqların xüsusi mülkiyyətə satılması halları ilə qarşılaşırıq. Bu cür torpaqların satılması qanunla qadağandır”.
Bunu Bələdiyyələrlə iş mərkəzinin rəis müavini Fazil Məmmədov deyib.
F.Məmmədov bildirib ki, belə torpaqlar yalnız sahibkarlıq məqsədi ilə icarəyə verilir.
"Satışı qadağan olunan kənd təsərrüfatı torpaqların xüsusi mülkiyyətə verilməsi halı ilə rastlaşmışıq. Torpağı su qiymətinə satırlar. Bir faktı deyim, Qusar rayonunun Samur bələdiyyəsində 70 hektara yaxın torpaq 9 min manata satılıb. Bu, özbaşınalıqdır”, - deyə, o, bildirib.
Rəis müavini bələdiyyə torpaqlarının paylanılması məsələləsinə də toxunub: "Torpaqların paylanılmasında bəzən bələdiyyələrin deyil, ümumiyyətlə, aidiyyati olmayan şəxslərin iştirakı ilə belə hallar baş verir. Qusar rayonu Samur bələdiyyəsində belə halların şahidi olduq. 30 hektar kənd təsərrüfatı təyinatlı torpaq həqiqiliyi şübhə doğuran sənədlər əsasında xüsusi mülkiyyətə keçirilib. Bu şəxslər möhürləri haradan alıblar? Qərarları kimin adından veriblər? Bunlar araşdırılmalı məsələrdir. Prokukorluğa göndərilən materiallar içərisində həmin qurumun fəaliyyəti ilə bağlı sənədlər də var”.
F.Məmmədov qeyd edib ki, ötən il ərzində 8359 hektar torpaq bələdiyyəyə qaytarılıb: "Onların böyük əksəriyyəti kənd təsərrüfatı təyinatlı torpaqlar sahələri olub. Hətta 205 hektar torpaq sahəsi bütövlükdə kənd təsərrüfatı təyinatlı torpaq olsa da, qanunsuz olaraq xüsusi mülkiyyətə verilib. Bu halların qarşısı alınıb. Bir sıra hallar üzrə məsələləri mübahisələndirmişik”./report.az/
MediaFax
