"Bir neçə gün əvvəl zibillikdən tapılan körpə qızın vəziyyəti nisbətən stabilləşib”.
Bunu saytımıza Elmi-Tədqiqat Pediatriya İnstitutunun direktoru, baş pediatr Nəsib Quliyev bildirib.
Baş pediatr körpənin ağır pnevmoniya diaqnozu ilə müalicə aldığını qeyd edib:
"Qışın soyuğunda, əyninə paltar belə geyindirilmədən zibilə atılan uşaq yaşayıbsa, böyük şeydir. Hər halda biz onun müalicəsini davam etdiririk. Körpə birbaşa Səhiyyə Nazirliyinin nəzarəti altındadır”.
Baş pediatr eyni zamanda atılmış körpənin normal, vaxtında doğulmuş uşaq olduğunu bildirib:
"Boyu, çəkisi doğuş vaxtına uyğun idi. Əlimizdən gələni edirik ki, sağalsın. Hər halda sağaldıqdan sonra uşaq evinə veriləcək”.
Qeyd edək ki, hadisə Yasamal rayonu Əlibəy Hüseynzadə küçəsi 49 nömrəli binanın qarşısında qeydə alınıb. Mənzil Komunal İstismar Sahəsinin əməkdaşları binanın qarşısındakı məişət tullantıları qutusunda körpəyə rast gəliblər.
Onun qız olduğu müəyyən olunub. Körpə aidiyyəti üzrə Yasamal Rayon Polis İdarəsinin əməkdaşlarına təhvil verilib. Daha sonra o, "Təcili yardım" maşını ilə Elmi-Tədqiqat Pediatriya İnstitutuna yerləşdirilib./modern.az/
MediaFax
