12:35
Bu gün Gəncədə universitetdə ölüm hadisəsi baş verib.
Gəncə Dövlət Universitetində magistraturasında təhsil alan İsmayıllı rayon sakini, 1994-cü il təvəllüdlü Həşimli İbrahim Müstəib oğlu ali məktəbdə olarkən huşunu itirib, Gəncə şəhər Təcili Tibbi Yardım Xəstəxanasının reanimasiya şöbəsinə çatdırılıb.
Müayinə zamanı onun öldüyü məlum olub. Tələbənin universitetdə anidən özünün pis hiss edərək yerə yıxıldığı və orada öldüyü bildirilir./APA/
-----------
18:50
İmtahandan sonra özünü pis hiss edərək dünyasını dəyişən Gəncə Dövlət Universitetinin magistrı Həşimli İbrahim Müstəib oğlu iki gün əvvəl sosial şəbəkələrdə imtahanlardan yazıb.
İbrahim sonuncu dəfə yanvarın 15-i paylaşım edib. O, "İmtahan qurtarsın, şeir paylaşacağam. Birdən kəsərlər imtahandan..." statusunu yazıb.
Qeyd edək ki, Pedoqoji fakültənin magistratura mərhələsində təhsil alan 1994-cü il təvəllüdlü Həşimli İbrahim Müstəim oğlu imtahandan çıxandan sonra özünü pis hiss edib. O, yazılı imtahanda iştirak edib və daha sonra fakültənin dəhlizində müvazinətini itirərək yıxılıb. Dərhəl təcili yardıma müraciət edilib. O, xəstəxanaya aparılsa da, həyatını xilas etmək mümükün olmayıb.
Universitetdən bildirilib ki, İ.Həşimli epilepsiya tutması keçirib./big.az/
