Bildiyimiz kimi, sentyabrın 26-da Azərbaycanda Referendum keçiriləcək.
Bəs sənət adamları və tanınmış şəxslər referendumla bağlı nə düşünür? Onlar referendumda iştirak edəcəkmi?
Mediafax.Az müxtəlif sənət adamları arasında keçirdiyi sorğunu təqdim edir:
Muğam İfaçısı, Əməkdar müəllim Qəzənfər Abbasov: "Referendum dövlət tərəfindən keçirilir. Biz də bu seçkidə mütləq iştirak etməliyik”.
Mingəçevir Dövlət Dram Teatrının direktoru Səxavət Məmədov: "Referedumda iştirak edəcəm. 47 saylı Mingəçevir Ərazi seçki dairesinin 18 saylı məntəqəsi Mingəçevir Dövlət Dram Teatrında yerləşir və orada məsul şəxs kimi iştirak edəcəm”.
Bəstəkar Salman Qənbərov: "Mən bu seçkidə yüz faiz iştirak edəcəm. Referendumda konstitusiyaya ediləcək dəyişikliyə əla baxıram”.
Rəssam Nəvai Mətin: "Yox, mən referendumda iştirak etməyəcəm, çünki həmin günü Azərbaycanda olmayacam. Referendumun keçirilməsini müsbət qarılayıram. Dünyanın bir çox ölkələrində vitse-prezident postu var”.
Kamança ifaçısı Mehri Əsədullayev: "Hər bir vətəndaş kimi mən də iştirak edəcəyəm”.
Şairə Nazilə Səfərli: "Əlbəttə, bu mənim vətəndaşlıq borcumdur”.
Müğənni və rəqqasə Sevda Sanəliyeva: "Əlbəttə, biz mütləq bu referendumda iştirak etməliyik”.
MediaFax
