Cənubi Koreya Şimali Koreyada yüksək vəzifəli məmurun edam olunduğunu iddia edib.
BAKU.WS-in məlumatına görə, iddiaya əsasən Şimali Koreya hökumətində təhsil işlərindən məsul baş nazirin müavini Kim Yonq Ji edam edilib. Yonq Kimin nə zaman və hansı səbəblə edam edildiyinə dair ətraflı məlumat yoxdur.
Ancaq adının açıqlanmasını istəməyən cənubi koreyalı bir rəsmi baş nazirin müavininin Şimali Koreya prezidenti Kim Çen Inın qərarı əsasında edam edildiyini bildirib. Prezident qatıldığı bir yığıncaqda Yonq Kimin oturuş şəklini bəyənmədiyi üçün ötən ay onun edam olunması qərarını verib.
Kim Yonq Jinin bir müddət öncə işlərində yol verdiyi nöqsanlara görə, sürgün olunduğu məlum olub. Ancaq sürgündən qayıdan baş nazirin müavini prezidentin əlindən canını xilas edə bilməyib./baku.ws/
MediaFax
