Bu gün Roma Papası Fransiskin 80 yaşı tamam olur.
Bütün dünyada yubileyi qeyd ediləcək pontifikin səhhəti üçün 1,2 milyard katolik dua edəcək.
Xorxe Mario Berqolo Buones-Ayresdə İtaliyadan olan mühacirin ailəsində dünyaya gəlib. Ailədəki 5 uşaqdan ən kiçiyidir.
21 yaşı olanda iezuitlər ordeninə daxil olub. Seminariyada oxumasına baxmayaraq, gənc oğlan Allaha xidmət onun qisməti olduğunu dərhal başa düşmür.
Onun hətta sevdiyi qız da olur. Fransisk özü müsahibələrindən birində deyib ki, bir dəfə kilsənin yanından keçəndə ora daxil olub dua etmək lazım olduğunu hiss edir.
"Keşişlərlə söhbətdən sonra nəsə dəyişiklik hiss etdim”, - Berqolo xatırlayıb.
Dediyinə görə, o zaman belə hiss yaranıb ki, o, özünü Allaha həsr etməlidir./modern.az/
MediaFax
