13:28
Məlum olduğu kimi, Qəbələ şəhərində növbəti dəfə "Mürəbbə” festivalı keçirilib.
Həmin festivalda mədəniyyət və turizm naziri ilə Əbülfəs Qarayevlə eyni masada fikir mübadiləsi aparan narıncı rəngli paltarı ilə diqqət mərkəzində olan əcnəbinin kimliyi müzakirəyə səbəb olub.
Qəbələ rayon İcra Hakimiyyətinin ictimai-siyasi və humanitar məsələlər şöbəsinin müdiri Ətayə Osmanova açıqlamasında bildirib ki, həmin şəxsin kimliyindən xəbərsiz olublar: "Mürəbbə” festivalına 6 ölkənin nümayəndələri dəvət olunub. Ukrayna, Türkiyə, İran, Kipr və başqa ölkələrlə yanaşı Hindistan və Pakistan səfirlikləri də iştirak edib. Açıq festivaldır, kimsə gəlib qoşulubsa, qonaqların yanında gəzibsə, onun kimliyindən xəbərim olmayıb ”.
Qeyd edək ki, "Mürəbbə” festivalı Qəbələ rayon İcra Hakimiyyətinin, Mədəniyyət və Turizm Nazirliyinin Milli Kulinariya Mərkəzinin, Azərbaycan Milli Kulinariya Assosiasiyasının birgə təşkilatçılığı ilə baş tutub./aznews.az/
------------
16:23
Xəbər verdiyimiz kimi, Qəbələ şəhərində növbəti dəfə "Mürəbbə” festivalı keçirilib.
Həmin festivalda mədəniyyət və turizm naziri ilə Əbülfəs Qarayevlə eyni masada fikir mübadiləsi aparan narıncı rəngli paltarı ilə diqqət mərkəzində olan əcnəbinin kimliyi müzakirəyə səbəb olub.
Həmin şəxslə bağlı kiçik araşdırma aparılıb və onun kimliyi məlum olub.
Belə ki, nazirin yanında duran şəxs məşhur hindistanlı Baba Ramdevdir. Hindistanın ən məşhur yoqa ustası olan Baba Ramdev 1965-ci il dekabr ayının 25-də anadan olub. O Hindistanda yoqa məktəblərinin rəhbəridir və bu sahədə ən məşhur adamlardandır. Ramdevin yoqa məktəbləri Hindistanla yanaşı Böyük Britaniyada, ABŞ-da, Nepalda, Kanadada fəaliyyət göstərir. O həmçinin ölkənin gizli milyarderlərindəndir.
Ramdevin azərbaycanlı nazirlərlə yaxın dost olduğu və onların dəvətiylə Qəbələyə gəldiyi də deyilir.
Qeyd edək ki, "Mürəbbə” festivalı Qəbələ rayon İcra Hakimiyyətinin, Mədəniyyət və Turizm Nazirliyinin Milli Kulinariya Mərkəzinin, Azərbaycan Milli Kulinariya Assosiasiyasının birgə təşkilatçılığı ilə baş tutub./azxeber.com/
