14:14
Belarus prezidenti Aleksandr Lukaşenkonun Azərbaycana rəsmi səfəri başlayıb.
Belarus prezidenti Aleksandr Lukaşenkonun Azərbaycana rəsmi səfəri başlayıb.
Heydər Əliyev adına Hava Limanında onu baş nazirin müavini Yaqub Eyyubov və xarici işlər nazirinin müavini Xələf Xələfov qarşılayıb.
A. Lukaşenko bu gün Azərbaycan prezidenti İlham Əliyevlə təkbətək və geniş tərkibli görüş keçirəcək. Tərəflərin Belarus-Azərbaycan münasibətlərinin hazırkı durumu və inkişaf perspektivləri, o cümlədən ticarət və iqtisadi əməkdaşlıq, korporasiya layihələri, investisiya, kənd təsərrüfatı və idman sahəsində əməkdaşlıq məsələlərini müzakirə edəcəkləri və yekununda bir sıra sənədlərin imzalanması gözlənilir.
Aleksandr Lukaşenko baş nazir Artur Rəsizadə ilə də görüşəcək.
Səfər sabah başa çatacaq.
========
17:36
Azərbaycanda rəsmi səfərə gələn Belarus prezidenti Aleksandr Lukaşenkonun rəsmi qarşılanma mərasimi olub.
Hər iki ölkənin dövlət bayraqlarının dalğalandığı meydanda ali qonağın şərəfinə fəxri qarovul dəstəsi düzülüb.
Fəxri qarovul dəstəsinin rəisi prezident İlham Əliyevə raport verib.
Prezident İlham Əliyev A. Lukaşenkonu qarşılayıb. Fəxri qarovul dəstəsinin rəisi Belarus prezidentinə raport verib.
Belarus və Azərbaycanın dövlət himnləri səslənib.
Dövlət başçıları fəxri qarovul dəstəsinin qarşısından keçiblər.
Belarus prezidenti Azərbaycan əsgərlərini salamlayıb.
Azərbaycanın dövlət və hökumət nümayəndələri prezident Aleksandr Lukaşenkoya, Belarus nümayəndə heyətinin üzvləri prezident İlham Əliyevə təqdim olunub.
Fəxri qarovul dəstəsi hərbi marşın sədaları altında dövlət başçılarının qarşısından keçib. Prezidentlər rəsmi foto çəkdiriblər.
X X X
Azərbaycan və Belarus prezidentlərinin təkbətək görüşü keçirilib
Azərbaycan prezidenti İlham Əliyevin və Belarus Prezidenti Aleksandr Lukaşenkonun təkbətək görüşü olub.
Görüş rəsmi qarşılanma mərasimindən sonra keçirilib.
