Abdulla Şaiq adına Kukla Teatrının aktyoru, Əməkdar artist Rəhman Rəhmanov imtina etdiyi oğlu ilə barışıb.
Bu barədə MediaFax-a teatrdan məlumat verilib. Aktyorun sənət yoldaşlarının sözlərinə görə, R.Rəhmanov bir ildən yuxarıdır ki, həbsxanada olan oğlu Emil Rəhmanovla tez-tez görüşür. Bundan əlavə aktyor həmçinin istintaq zamanı oğlunun günahsız olduğuna inanıb.
Məhz bu üzdən də o, oğlu Emil Rəhmanovu bağışlayıb.
Qeyd edək ki, Azərbaycanın əməkdar artisti Rəhman Rəhmanovun oğlu müğənni Emil Rəhmanov polis tərəfindən saxlanılıb və hazırda ona qaldırılan cinayət işi məhkəmədədir.
Xatırladaq ki, bundan əvvəl Emil Rəhmanov 2008-ci ilin yanvarında saxlanılıb və barəsində Cinayət Məcəlləsinin soyğunçuluq (180. 2.2-ci ) maddəsi ilə cinayət işi başlanılıb. Aktyorun oğlu 6 il həbs cəzası alıb. Həmçinin Ağır Cinayətlərə Dair İşlər üzrə Məhkəmənin hökmü ilə 3 min manat məbləğində cərimələnib.
