Azərbaycan millisinin baş məşqçisi Robert Prosineçkinin Türkiyənin "Bursaspor” klubuna keçidi baş tutmayıb.
Azərbaycan Futbol Federasiyasının rəsmiləri ilə görüşən "timsah”ların rəhbərliyi "hə” cavabı ala bilməyib.
"Bursaspor”un vitse-prezidenti Ali Adəmoğlu da bununla bağlı danışıb: "Prosineçkinin komandamıza gəlişi baş tutmadı. Başqa məşqçilərlə görüşəcəyik”.
Səbəb kimi isə AFFA-nın qarşı tərəfdən xorvat mütəxəssis üçün 2 milyon dollar təzminat istəməsi göstərilir.
Federasiya rəhbərliyi Prosineçki ilə daha bir il müqaviləni uzatmaq istədiyini və ondan razı qaldığını deyib./qafqazinfo.az/
MediaFax
